3 Review(s)

‘Aadhe Safar Ka Humsafar’ ki kahaniyan padhte huwe anayas hi Manto yaad aate hain. Wahin in kahaniyon ki Vishay-vastu Bangla lekhika Taslima Nasreen ka smaran karati hai. Shayad isiliye in kahaniyon ki kathabaddhata aur ravanagi vivaad aur vidroh ke chehre rahe in lekhakon ki agali kadi maloom hoti hai. In kahaniyon mein dangon ki vibhishika, naari vimarsh aur samlaingik sambandhon ke saath-saath madarson aur masjidon mein mazhab ke naam par hone wale yaun shoshan aur maulanawon ke durachar jaise vishayon ko uthaya gaya hai.