3 Review(s)

about the book: Is pustak mein mukhya roop se "digital banking" ke vishay mein likha gaya hai. badalate yug ke is parivesh mein, bank ne apani paribhasha ko grahakon ke anuroop dhalane ka saphal prayas kiya hai. ise sandarbh mein digital banking ka ek aham yogadaan raha hai. aadhunik yug ki is duniya mein hamari banking kaaryapranali ka vistar bhi kaphi vyapak ho chuka hai. is pustak mein, mukhya roop se vimudrikaran ke pashchat, banking kshetra mein aaye huye digital kranti ke bare mein varnan kiya gaya hai. navinatam banking praudyogiki rujhan, bankon ko graahakon ko tez, adhik kushal aur adhik vaiyaktikrt sevayen pradan karane ki anumati dete hain. paaramparik roop se online banking ka mahatv sankuchit tha, lekin vakt aur aavashyakata ke anusaar, aadhunik banking apana vistar badhati ja rahi hai. isee sandarbh main bank aur grahak ka sambandh bhi digital yug ke saath-saath badal raha hai. is pustak ke madhyam se digital bank ke mahatv aur digital india ke lakshya jaise vishayon ko saragarbhit karane ka prayaas kiya gaya hai. is pustak ka uddeshya, digital banking se judi, buniyadi janakari aur prakriyayen pradan karana hai. jisake dvara digital banking ke vikas ke charan mein, paaramparik banking ka parivartan aadhunik banking mein aur isake hone vale prabhav ko samajhana hai. sath hi saath is pustak ke madhyam se, bharat mein vartaman banking prathaon ke vibhinn pahaluon ko prastut karane ka prayaas kiya gaya hai. about the author: pratima ek lekhika evan kavayitri hain. saath hee sath ek pratishthit bank mein adhikari ke pad par karyarat hain. durbhaagya vash cancer se peedit hain, aur "taata memorial hospital" mumbai mein ilaaj kara raheen hain. cancer se joojhate huye bhi, apanee jindagi se haar na manate huye, apane sapanon ko ek sakaar roop dena chahati hain. inhen kavitayen evam lekhan mein bahut ruchi hai. isase poorv inakee do pustaken, kramashah "astitv kee pahachaan" evam "cancer- kaash se aas ka saphar" prakaashit hain, jo national bestseller pustaken hain.