3 Review(s)

godan "lekin ghar aakar usane jyonhee vah prastaav kiya ki kuharaam mach gaya . dhaniya to kam chillaee, donon ladakiyon ne to duniya sir par utha lee . nahin dete apanee gaay, rupaye jahaan se chaaho lao . sona ne to yahaan tak kah daala, isase to kaheen achchha hai, mujhe bech daalo . gaay se kuchh besee hee mil jaayega . horee asamanjas mein pad gaya . donon ladakiyaan sachamuch gaay par jaan detee thee . roopa to usake gale se lipat jaatee thee aur bina use khilaaye kaur munh mein na daalatee thee . gaay kitane pyaar se usaka haath chaatatee thee, kitanee snehabharee aankhon se use dekhatee thee . usaka bachhada kitana sundar hoga . abhee se usaka naamakaran ho gaya tha-mataroo . vah use apane saath lekar soyegee . is gaay ke peechhe donon bahanon mein kaee baar ladaiyon ho chukee theen . sona kahatee, mujhe jyaada chaahatee hai, roopa kahatee, mujhe . isaka nirnay abhee tak na ho saka tha . aur donon daave kaayam the ." - upanyaas se. gaban premachand ke katha saahity kee ek khaas visheshata yah hai ki vo kisee paarivaarik kathaanak ko aadhaar banaakar tatkaaleen aupaniveshik shaasan kee kroorata va bhrashtaachaar ke prati janata ko jaagarook karane ka kaam karate hain. unake upanyaason mein katha kee shuruaat kisee paarivaarik samasya se hotee hai aur ant raajaneetik aandolan ke sangharsh par jaakar. gaban isaka ek achchha udaaharan hai. aisa iseelie ho paata hai kyonki saahity rachana ke dauraan unaka vizan ekadam spasht hota hai. is upanyaas ke maadhyam se premachand ramaanaath dvaara kie gaye gabanon ko hee sirph nahin dikhaate balki pulis prashaasan kee kroorata aur bhrashtaachaar ko bhee paathakon ke saamane rakhane ka kaam karate hain. premachand iseelie hamaare priy hain kyonki ve apane samay mein ghatane vaalee raajaneetik-prashaasanik ghatanaon ko apane katha ke maadhyam se badee hee aasaan bhaasha mein samajhaane ka kaam karate hain.