3 Review(s)

Pahli Scientifically Designed Kitaab3 Aasaan Steps Mein Jeevan Ko Jeeto"Main Mann Hoon", "Main Krishna Hoon", "101 Sadabahar Kahaniyaan" tatha "Aap aur Aapka Aatma" jaisi kai bestselling kitaabon ke lekhak Deep Trivedi ki nayi kitaab "3 Aasaan Steps Mein Jeevan Ko Jeeto" haal hi mein release ho chuki hai. Scientifically design ki gayi yah kitaab 3 aasaan steps mein aapka jeevan 360 degree badalkar rakh degi.Pahli Step mein yah kitaab aapko apne se milwaayegi. Is bahaane aap apna acche se introspection kar lenge. Aur yah jaroori hai kyonki manushya apne ko poorepoora na pahchaanne ke kaaran anek samasyaaon se ghir jaata hai. So pahli step mein apna introspection karne se aap swayamjanit tamaam samasyaaon se nijaat paa lenge.Waise hi Step 2 anek maansik, paarivaarik, vyavhaarik tatha financial samasyaaon se nijaat dila degi.Aur yahin se Step 3 shuru hota hai. Aur aap jaante hi hain ki jeevan mein samasyaayen na ho to hi manushya kuch sakaraatmak kar paata hai. So bas Step 3 jeevan ko sakaraatmak mode dene hetu hai. Sabse pahle yah aapka confidence majboot karegi tatha saath hi aapko sahi decision lete bhi sikhaayegi. Aur jab decision sahi padenge to aapka jeevan waise hi kahan-se-kahan pahuch jaayega.Is kitaab ko padhne tatha iski 50+ aasaan day-to-day practical applications bharne mein maatra 7 din dijiye. Fir toh yahi applications aapka ek saccha dost, philosopher aur guide bankar jeevanbhar aapko raah dikhaati rahegi. Aapke is chote-se prayaas se naa sirf aapki saari samasyaaon ka ant aa jaayega balki saath hi aap apne sapnon ka jeevan bhi jee paayenge.Yah kitaab Angreji, Hindi, Marathi aur Gujarati mein sabhi bookstores aur e-commerce sites par uplabdh hai.