3 Review(s)

boond : boond anupam rachana hai. prakriti se prerit lekhak ne manaviy pravittiyon evam sanvedanaon ko svar diya hai. unaki anubhooti aur abhivyakti donon hi sundar hain. kavita man ki komalatam paraton ko marmikata se chhooti hai. . sahaj - saral ho kar bhi yah artha ki drushti se bahut gahari hai. . boond mein nihit prakriti aur manav vikas ka sambandh nakara nahin ja sakata hai. aadikal se manav bhautik evam vaigyanik pahaluon par prakriti se prerana le raha hai. gahan darshanik vishay ko svabhavik evam atyant hi sugam roop se prakritik vidhan se jodane ka prayas vicharaneey hai. lekhak: basant kumar Ilahabaad vishvavidyalay se vigyan mein snatak hain, evam Rudaki vishvavidyaalay se unhonne civil engineering mein diksha praapt ki. bharat sarakar mein atirikta sachiv bane. sevanivritti ke bad vah civil engineering se sambandhit vibhinna pahaluon par consultant ka kam kar rahen hain--golph, tenis, bansuri evam lekhan se bache samay mein. bijanaur shahar (uttar pradesh) mein janme aur vaheen unaka shaishav kal bita. is chhote shahar mein vah prakriti ki god mein khele. vastut: unaki rachanayen prakriti ki prushthabhoomi par bahurangi abhivyakti hain. unaka lekhan samajik dhakosalon par tikha kataksha hai. unake english mein do kahani sangrah prakashit hue hain. hindi kavita ka yah doosara prakashan hai.