3 Review(s)

about the book: kahaten hain ki kitab vah jariya hai, jahan ham apane vicharon ko sahi roop mein abhivyakt kar pate hain. agar apane jeevan ke pannon ko kari-dar-kari sanjona aur samajhana chahate hain, to kitab se achchha koyi madhyam nahin ho sakata. yahi vajah hai ki lekhika ne apane cancer ilaaz ke niji anubhavon aur vicharon ko sajha karane ke liye is kitab ko likha hai. yah dil ko chhoone vali,sangharshashil aur hrdayasparshi kahani sangrah hai, jisamen cancer hi nahin balki jeevan ki har viparit paristhitiyon se bhi samana karane ke liye himmat milati hai. lekhika ke anusar “cancer- kash se aas ka saphar” ki kahani, sachchi ghatanaon par aadharit yah kitab kuch unaki yadon mein basei hai aur kuch ehasason mein base hai. lekhika ke apane antahin asha, atoot vishwas aur sakaratmak soch se cancer se ladane ki shakti ko is roop mein prastut kiya hai, jisase kayi cancer rogiyon ke liye hi nahin, varana aam jindagi ki naummeedi ko sakaraatmak drshtikon dene mein sabit ho sakati hai. yah kahani hai, un sangharshon, aashaon aur ummeedon ki, jisase ham apane jeevan ko sahi dhang se jeene ka salika seekh sakate hain. about the author: pratima ek lekhika evam kavayitri hain. sath hi sath ek pratishthit bank mein adhikari ke pad par karyarat hain. durbhagyavash cancer se pidit hain, aur TATA memorial hospital” Mumbai mein ilaaz kara rahin hain. cancer se joojhate huye bhi, apani jindagi se har na manate huye, apane sapanon ko ek sakar roop dena chahate hain. inhen kavitaayen aur lekhan mein bahut ruchi hai. pustak “cancer- kaash se aas ka saphar” ki kahani, unake sapanon ko ek sakar roop dene mein agrasar kadam hai.