3 Review(s)

Barniyar France ke prasiddh Doctor the, lekin svaabhaav se the yaayaavar . apanee yaayaavaree trshna ke vasheebhoot ve bhaarat bhoomi par apane paanv us samay rakhe, jab mugal baadashaah shaahajanha ke shaasan ka antim kaal-khand tha aur dillee ke takhte-taoos par aaroodh hone ke lie usake chaaro putr daaraashikoh, muraad, shuja aur aurangajeb mein ghanaghor yuddh hua, jisame aurangajeb ain-ken-prakaaren satta haasil karane mein saphal raha . atah do. barniyar kee bhaaratayaatra pustak mein unhonne varsh 1656 ee0 se 1658 ee0 tak kee talakaalin mugal saamraajy kee vaastavik haalat tatha bhaarateey parivesh ka sahee avalokan chaar bhaago mein prastut kiya hai . prakaand vidvaan ganga prasaad gupt ne do. barniyar dvaara angrejee mein likhee gayee travail in mughal aimpirai a.d. 1656-1658 ka hindee mein anuvaad kar bhaarateey itihaas kee avismaraneey seva kee hai . mugal saamraajy mein bhaarat kee saamaajik, aarthik, sanskrtak evan dhaarmik vyavastha ke sambandh mein yah pustak anoothee krti hai tatha itihaas ke shodhakartaon, chhaatron evan saamaany paathakon ke lie bhee sadupayogee evan sangrahaneey dastaavej hai