3 Review(s)

bhagavaan buddh ko eshiya kee jyoti kaha jaata hai jinaka jeevan maanavata kee vyaakhya hai. unheen dharmachakrapravartak bhagavaan buddh ke jeevan evan darshan ko sanskrt mein lekhaneebaddh karane ka anushansaneey kaary sudhee lekhak sanskrt ke vikhyaat vidvaan do0 hariprakaash sharma ne, jo ki indira gaandhee neshanal kaalej laadava (kurukshetr) ke praachaary rahe hain, apanee is prastut pustak mein kiya hai, unakee yah krti mool hindee pustak ka devavaanee sanskrt mein anoodit roop hai jisamen bhaasha kee utkrshtata spasht prakat ho rahee hai. sudhee lekhak apane saare shaikshanik kaal mein kurukshetr vishvavidyaalay ke sanskrt vibhaag tatha praachy vidya sansthaan kee pratyek vichaar goshthee tatha any shaikshanik gatividhayon mein anivaary roop se bhaageedaar rahe hain aur unamen sakriy yogadaan diya hai. isalie bhaasha par unaka bahut gahara adhikaar hai jisaka parichay unakee is krti se praapt ho jata hai. bauddh saahity paali tatha sanskrt donon bhaashaon mein prachur maatra mein upalabdh hai. lekhak mahoday ne bauddh darshan kee mool shabdaavalee ko bina kisee vikrti ke banae rakhane ka bada saraahaneey prayaas kiya hai parantu mool paaribhaashik shabdon ke kaaran koee durbodhata na aa jae isalie bhaasha ko bada sugam rakha hai. koee bhee paathak inako padhate samay kaheen bhee kisee prakaar ka vyavadhaan anubhav nahin karega. varnanashailee bhee badee pravaahapoorn tatha rochak hai, sudhee lekhak ke bhaasha kaushal tatha vishay mein nipunata ka pramaan hai.