3 Review(s)

about the book: Is sangrah ki har kavita, kavi ke man mein kabhi preyasi ban kar hiloren maarati huyi, kabhi kulish-hrudaya ban kar apar pida se nichodati huyi aur kabhi jeevanadati janani ban kar apani akshunn shanti ki god mein lori si sunaati huye, svayan bhi pallavit aur pushpit hoti rahi hai. yah sangrah jagat ke yaatanaamay kolaahal ke beech trshit-tapt yatri kee pyaas bujhaane baale aseem shantidayi nirjhar ki tarah hai. kavi sada hee unamen apane ullaas, vedana, peeda, avahelana, prataadana, aparaadh-dansh, nivrtti, mukti, shaanti aur aanand ke kshanon kee pratidhvani sunata raha hai. nirjhar kee usee romaanchak yaatra par kavi paathakon ko aamantrit karata hai. “nirjhar” mein jo sudhee paathak snaan kar sakenge, yah krti apanee abhiramy phuhaaron se unake hradayon ko bhigone mein tanik bhee sankoch nahin karegee. nirjhar ka raasta ? ye to paathakon ko svayan hee tay karana hoga. about thai author: lekhak ek mekenikal injeeniyar va em bee e hain. vartamaan mein vah ek navaratn pablik sektar kampanee mein mahaaprabandhak ke pad par kaaryarat hain. janm morena mein hua, uchch shiksha gvaaliyar mein paee evan sthaayee nivaas aagara mein hai. vigyaan, ganit evan injeeniyaring ke atirikt hindee aur angrejee saahity se vishesh anuraag hai. ‘nirjhar’ unaka pratham kavita sangrah hai. hindee ke atirikt ve angrejee mein bhee likhate hain, aur ek angrejee upanyaas prakaashanaadheen hai. saahity ke uparaant kampyootar aur koding ka samay unhen aseem sukh deta raha hai. aaee tee eplikeshans, aartiphishiyal intelijens, blaik hol, kvaantam maikeniks, saapekshata, manovigyaan, nyooro plaastisitee, svaasthy va yog aadi se sambandhit naveenatam shodhon se svayan ko apadet karate rahate hain .