3 Review(s)

about the book: “jab ham apani bhavanaon ko vichar mein badalate hain aur vicharon ko jab shabda mil jaate hain, tab kavita banati hai.” - Robert Phrost- log yoon hi har achchhi cheez ko kaavya nahin kahate hain. Nikolas Spark ke prasiddha romantic upanyaas The not book ka naayak apani premika ko jeevit kavita kahata hai. hamara sarvottam saahitya chahe kisi bhi roop mein ho jaise chalachitr, kala, sthaan, bhojan, yahan tak ki sharab bhi kavyaatmak ho jaata hai. ham vaigyaanik roop se ya takaniki roop se kitane bhi unnat ho jaen, hamesha apani bhavanaon aur anubhavon ko vyakta karane ke liye kavita likhate evam padhate rahenge. ham kavita sirph isaliye nahin padhate aur likhate hain ki yah rochak hoti hai, balki ham kavita isaliye padhate aur likhate hain kyonki ham junoon se bhare hote hain. chikitsa, kaanoon, vyavasaay, engineering mahaan vyavasay hain aur jeevan ko banaye rakhane ke liye aavashyak hain lekin kavita, saundarya, romance aur prem hai jo jeevan ko khoobasoorat aur jeene layak banati hai. yah bahut garv aur khushee ka vishay hai ki STORYMIRROR ki poori team ne “shabdayaatra” ek khoobasoorat sangrah ke liye kavitaon ko chuna, sampaadit, sankalit, dijain, mudrit aur prakashit kiya. is sankalan ke sah-lekhak kavi jeevan ke vibhinn kshetron se aate hain. unakee umra, ling, pesha, yogyata, vishay aur shailee bhinna ho sakati hai, lekin in sabhi ne apani bhavanaon, kalpana, junoon aur jeevan ke anubhavon ko in kavitaon mein ukera hai. ye kavitaen nishchit roop se aapake dil ko chhoo lengee aur aapakee aatma ko trupt kar dengi. aasha hai ise padh kar aapako sukhad anubhooti hogi.