3 Review(s)

Is sangrah ki kahaaniyon mein manushya ke atal man ki geharaiyon ki thaah li gai hai. Manushya apne vyavahar se apne man ko prakat karata hai. Dr. Ramakant Sharma maanav man ki atal geharaiyon mein pahunch kar paatron ke sukh-dukh se sanvaad karate hain. Vahi kahani man mein jagah bana pati hai jismei yathaarth ka put ho, rochakata bhara bayaan ho aur manushya ki bhitari parton ki daastaan ho. Is drishti se is sangrah ki kahaaniyan khari utarati hain. Kahaniyon ka koi bhi patra kaalpanik nahin lagta, vah jeeta-jaagta haad-maans ka manushya hai. Kahani ki kahan sahaj, svabhaavik aur saral shailee mein hone se pathakon ke lie rochakata se bhari hai. Kahaniyaan padh kar aisa lagta hai ki hamesha sadaashayata ki jeet hoti hai. Patra ek saatvikta ke saath jeevan ko dekhte hain aur vipreet sthitiyon mein bhi apne ko digane nahin dete, yah kathakaar ki srjanatmak jeet hai. Is sangrah ki kahaniyon ki bhaasha bahut sahaj hai, shailee kahaniyon ke man tak pahunchaane mein saphal rahi hai. Har kahani koi na koi sandesh deti hai. Yah sandesh, mautetaur par laud na hokar manovishlesh naatmak dhang se, manushya ke man ko anek aayaamon, konon se niroopit kar prastut kiya gaya hai. In kahaniyon ki rochakata aur pathaneyata vishisht gun ke roop mein ujaagar hote hain. In kahaniyon ki sabse badi visheshta yah hai ki ye paathak ki sanvedanasheelta ko jagati hain aur uss se sadhaaraneekaran ki had tak sanvaad sthaapit kar leti hain.