3 Review(s)

“Jab ham apani bhavanaon ko vichar mein badalate hain aur vicharon ko jab shabd mil jaate hain, tab kavita banati hai.” - Robert Frost- log yun hi har achhi cheez ko ‘kavya’ nahin kahate hain. Nikolas Sparks ke prasiddha romantik upanyaas ‘The note book’ ka nayak apani premika ko ‘jivit kavita’ kahata hai. hamara sarvottam saahitya chahe kisi bhi roop mein ho jaise chalachitra, kala, sthaan, bhojan, yahaan tak ki sharab bhi ‘kavyatmak’ ho jata hai. ham vaigyanik roop se ya takaniki roop se kitane bhi unnat ho jayen, hamesha apani bhavanaon aur anubhavon ko vyakt karane ke liye kavita likhate evam padhate rahenge. ham kavita sirph isaliye nahin padhate aur likhate hain ki yah rochak hoti hai, balki ham kavita isaliye padhate aur likhate hain kyonki ham junoon se bhare hote hain. chikitsa, kanoon, vyavasay, Engineering mahan vyavasay hain aur jeevan ko banaye rakhane ke liye aavyvashyak hain lekin kavita, saundarya, romance aur prem hai jo jeevan ko khoobasoorat aur jeene layak banati hai. yah bahut garv aur khushi ka vishay hai ki StoryMirror ki poori team ne “Jindagee is Tarah” ek khoobasoorat sangrah ke liye kavitaon ko chuna, sampadit, sankalit, design, mudrit aur prakashit kiya. is sankalan ke sah-lekhak kavi jeevan ke vibhinna kshetron se aate hain. unaki umra, ling, pesha, yogyata, vishay aur shaili bhinna ho sakati hai, lekin in sabhi ne apani bhavanaon, kalpana, junoon aur jeevan ke anubhavon ko in kavitaon mein ukera hai. ye kavitaen nishchit roop se aapake dil ko chhoo lengi aur aapaki aatma ko trupta kar dengi. aasha hai ise padh kar aapako sukhad anubhooti hogi.