Let's Talk Mutual Funds (Marathi) + Guntavnukiche Smart Vyvasthapan (Marathi) - Combo of 2 Books

गेली दोन दशकं, गुंतवणुकीचा पसंतीचा पर्याय म्हणून म्युच्युअल फंड्स भारतीयांसाठी उदयास आले आहेत. ते रोकडसुलभता देतात. त्यात प्रवेश करणं आणि बाहेर पडणं त्यातून मिळणाऱ्या परताव्यासहित सहजसाध्य असतं. त्यामुळे सोनं, स्थावर मालमत्ता किंवा मुदत ठेवींसारख्या पारंपरिक गुंतवणुकीपेक्षा, म्युच्युअल फंड्स हा एक नैसर्गिक निवडीचा पर्याय झाला आहे. परंतु म्युच्युअल फंडाची लोकप्रियता वाढलेली असली, तरी आपल्या फायद्याप्रमाणे त्यांचा वापर करण्याची क्षमता वाढलेली नाही. म्युच्युअल फंडांचे पर्याय हजारो असल्यामुळे गुंतवणूकदारांची मति कुंठित होऊन जाते. बेस्टसेलिंग लेखिका आणि भारतात आर्थिक विषयांवर लिहिणाऱ्या मोनिका हालन या पुस्तकाद्वारा पुन्हा पदार्पण करत आहेत. या वेळी त्या म्युच्युअल फंडाविषयी आपल्याशी संवाद साधत आहेत. साध्या-सोप्या भाषेत त्या म्युचुअल फंडांबद्दल असलेल्या शंका दूर करतात आणि दाखवून देतात की, त्या शंकांच परिमार्जन कसं करायचं, रोख रकमेच्या प्रवाहाचं व्यवस्थापन कसं करायचं आणि मुलांच्या शिक्षणाचं नियोजन कसं करायचं, इथपासून स्वतःचं घर कसं घ्यायचं आणि निवृत्तीनंतरचं आयुष्य सुखकर होईल असं नियोजन कसं करायचं इथपर्यंत सगळं काही या पुस्तकात चर्चिलं गेलं आहे. तुमची आर्थिक उद्दिष्टं गाठण्याच्या मार्गावर म्युच्युअल फंडविषयी बोलू काही तुम्हाला आणून सोडतं. टिप्स नाहीत, युक्त्या प्रयुक्त्या नाहीत, फक्त एक शहाणपणाची पद्धत, जिच्यामुळे म्युच्युअल फंड्स तुमच्यासाठी चांगली कामगिरी करतील

गुंतवणूक या विषयाची माहिती घेणे टाळले तर त्यामुळे आपलेच दोन प्रकारे होत असते. एक, जास्त लाभ देणाऱ्या साधनांमध्ये गुंतवणूक न करता इतर साधनांमध्ये गुंतवणूक केल्यामुळे मिळणारा तुटपुंजा लाभ, मोठ्या लाभापासून वंचित राहणे हा व दुसरा गुंतवणुकीबाबत माहिती नसल्याने कोणीतरी सांगितलं आहे म्हणून चुकीच्या योजनांमध्ये गुंतवणूक करून स्वत:चे नुकसान करून घेणे. ऑनलाइन किंवा एसएमएस इत्यादी मार्गाने फसवणुकीचे प्रकार वाढत चाललेले आहेत. या पुस्तकाचे वैशिष्ट्य म्हणजे त्यात अशी फसवणूक होऊ नये यासाठी कसे सावध राहावे याबाबतही लेख आहे. पुस्तकाचे दुसरे वैशिष्ट्य म्हणजे हे गुंतवणुकीसंबंधीचे पुस्तक असूनही त्यात अर्थव्यवस्थेसंबंधी एक लेख शेवटी दिलेला आहे, त्याचे कारण अर्थव्यवस्थेचा आणि आपल्या गुंतवणुकीचा आता निकटचा संबंध असतो. या पुस्तकाचा उपयोग तरुण, मध्यमवयीन, निवृत्त, वयस्कर सर्वच लोकांना होईल असा विश्वास आहे. आजची नियोजकपूर्वक, विचारपूर्वक योग्य गुंतवणूक घडवेल तुमच्या पुढील पिढीचे भविष्य व तुम्हाला मदत करेल तुमच्या निवृत्तीनंतरच्या जीवनासाठी. --- उदय कुलकर्णी